Երջանկություն

Երազում իմ տեսա քեզ,
 Ապրեցի մի վեհ զգացում,
Երջանկություն կոչեցի,
Ու պահեցի իմ սրտում . . . . 

Փորձում եմ

Փորձում եմ նորից հրաժեշտ տալ քեզ,
Բայց այնպես, որ դու երբեք չտխրես,
Չթախծի հանկարծ վեհափառ հոգիդ,
Արցունք քո կյանքում երբեք չտեսնես:
Այլ այնպես, որ դու երբեք չթախծես,
Ու քո ողջ կյանքում երջանիկ լինես,
Ապրես միշտ ուրախ, միշտ զվարթ ու հեզ,
Եվ իմ խենթ սերը երբեք չանիծես:

Բարև սիրելիս

Բարև սիրելիս, ահա, ես եկա,

Եվ կյանքս նորից խինդով է լցվում,

Ամենուր շուրջս կանաչ է, ծաղիկ,

Եվ մանկան խինդն է հիմա իմ հոգում:

Բարև սիրելիս, լսու՞մ ես դու ինձ,

Եկ և միացիր իմ խինդ ու լացին,

Տեսնու՞մ ես սիրտս քեզ ձայն է տալիս,

Դե արձագանքիր` ես քեզ եմ սպասում:

Սպասում եմ հույսով, խինդով ու սիրով,

Սիրտս անդադար  երգում է անուշ,

Սիրո, երազի ու ցավի միջից

Սիրտս ընտրել է քո սիրտը քնքուշ...

ԲԱՅՑ ԴՈՒ ՀԵՌԱՑԱՐ

Հեռվում փայլող աստղ տեսա,

Ասի տեսնեմ մոտիկից,

Հենց մոտեցա, դու հեռացար,

Անհետ կորար իմ կողքից:

Հիմա անհույս ման եմ գալիս,

Փուչ աշխարհից դառնացած,

Ու հիշում եմ վայրկյանները

Քո կողքին լուռ անցկացրած . . . 

Եվ ցավում է սիրտս թախծած,

Անվերջ տենչում քո մասին,

Հիշում սիրո ցավը անսանձ,

Ու արցունքի ծովը անհիմն . . .

Ամենուրեք կանչում է քեզ,

Ամենուրեք քեզ փնտրում,

Ամեն վարդի կոկոնի մեջ

Քո հմայքն է այն գտնում:

Սակայն մեկ է տխուր եմ ես,

Քանզի չկաս դու կողքիս,

Քո կարոտից խենթանում է,

Ու լալիս է խեղճ հոգիս . . . 

Չկաս, կարծես չես էլ եղել,

Լոկ հուշեր են մնացել,

Քո կարոտից ես գժվել եմ,

Լոկ ցավերն են մնացել . . .