Չմոռանաս

Ուր էլ գնաս, ուր էլ լինես,

Ինչ հարկի տակ էլ ապրես,

Հիշիր որ կա այս աշխարհում

Մեկը, որին դու պետք ես:

Հիշիր, որ կա մեկը, որին

Քո սերը կյանք է շնորհում,

Որ աշխարհի դառնությանը

Քո սիրով է նա հաղթում:

Հիշիր. Կյանքում միմիայն դու

Կարող ես կյանքը ջերմացնել,

Որ նրա դատարկ, փուչ կյանքը

Դու կարող ես լիացնել:

Հիշիր, որ լոկ քեզ է սպասում

Նրա սիրտը սիրահար,

Կապրի, եթե կողքին ես դու,

Անթիվ դարեր շարունակ,

Հիշիր, որ քո սերն է միայն,

Հույսի աղբյուրը նրա:

Փուչ է կյանքը, դատարկ, ունայն,

Փրկությունն ես դու նրա:

Ապրելու է նա լոկ քեզնով,

 Քո սիրով է շնչելու,

Եվ քո սիրո օգնությամբ է

Մենությունից փրկվելու ...

Դե հիշիր դու այս ամենը,

Պահիր քո սրտի խորքում,

Մի մոռացիր նրան երբեք,

Ով միայն քեզ է սիրում ….